TACLOBAN CITY – 666 nga mga delegado han Tacloban City an magpapaisan-isan ha pagdudumaraon nga Eastern Visayas Regional Athletic Association (EVRAA) Meet 2018 nga pagbubuhaton ha Calbayog City, Samar yana nga Pebrero 2, 2018.
Sumala kan Dr. Jessica Abril, Sports Coordinator han DEPED Tacloban City Division, tanan nga event ha EVRAA 2018 in mayada entry an Tacloban.
Naglalaum yana an DEPED Tacloban Division nga mas mahusay yana nga tuig an standing performance han mga atleta.
Dugang pa ni Dr. Abril, dako an chansa han mga atleta han Tacloban City nga maka-gold medal ha athletics event sugad han swimming ngan volleyball.
Samtang an City Government han Tacloban an naghatag han mga garamiton han mga delegado sugad han ira uniforms ngan an transportasyon hini.
