Malampusong nasikop sa mga personahe sa PS6 Puerto ang usa ka lalaki kagahapon sa hapon. Kini human sa gilusad nga anti-illegal drugs operation diha sa Purok 5, Naga, Brgy. Puerto ning yudad sa Cagayan de Oro.
Naila ang dinakpan nga 29 anyos, ulitawo nga nagpuyo sa nasangpit nga dapit.
Nasayran nga usa ka concern citizen ang mitawag sa Puerto Police nga kamulo og pot session ang maong suspetsado nga maoy hinungdan nga ilang gi-respondihan ang maong tawag.
Tungod ni-ini, dakong kahikurat sa suspek dihang kalit nga miabot ang mga operatiba sa PS6 Puerto samtang kamulo kini og suyop sa aso sa gituhoang shabu.
Tungod sa naaktohan mismo sa mga pulis ang gihimong iligal sa suspek, gilayon kining gi-aresto ug nakumpiska pa gikan ni-ini ang duha ka mga sachet sa gituhoang shabu mga gibana-banang motimbang sa usa ka gramo nga mokabat ngadto sa 6,800 pesos ang street value. Nakuha usab ang nagkalain-laing mga drug paraphernalia’s sa ibabaw sa lamisa ni-ini.
Kasong violation sa section 11, 12 ug 15 sa R.A. 9165 ang giandam na sa reading team ubos sa pagpangulo ni PMajor Peter Tajor. Samtang ang suspetsado karon ana-a na naka kustodiya sa PS6 Mini Custodial Cell.
Kasama mo sa PS6 Puerto, RadyoMaN Andy Coco, DXCC Tatak RMN!
