Report ni: Jennifer Palomo Debaja
Isa ka Pinoy ang nasapwan patay sa gina estaran nga apartment sa Diamond City sa Los Angeles, California sang Enero 28, 2019.
Ginkilala sang otoridad ang biktima kay Dante Bautista Batimana, 69 anyos sang Imus, Cavite.
Sa imbistigasyon, nakita ang madamo nga pilas sang biktima tuga sang pagbuno nga gina patihan amo ang gintunaan sang iya kamatayon.
Suno sa police, mismo roommate ni Batimana ang nakadiskubre sang iya mayami na nga bangkay sang mag abot ini sa apartment nga ila gina rentahan.
Sa pahayag naman sang mga kaingud ni Batimana, wala sila sang nabatian o nakita man lang nga patimaan sang komusyon sa kwarto sang biktima antis ang krimen.
Samtang, nagapatigayon sang fundraising drive ang pamilya kag kaabyanan ni Batimana agud makatipon sang fund para sa burial expenses sini.
Naga apela naman ang pamilya ni Batimana sa mga pareho nga Pinoy sa Diamond City nga magkontak sa police ang sin o man nga may impormasyon nahanungod sa pagpatay sa ila himata.
