Pagadian City, Zamboanga del Sur – Moabot na sa 69 ka barangay nga gikan sa probinsya sa Zamboanga del Sur ang hingpit na nga gidiklarang drug-cleared ug drug-free communities pinaagi Regional Oversight Committee.
Ang Regional Oversight Committee gilangkuban sa Philippine Drug Enforcement Agency (PDEA), Philippine National Police (PNP), Department of Interior and Local Government (DILG), Department of Health (DoH) ug local government units.
Si PDEA Regional Director Laurefel Gabales ug mao usab ang chairman Regional Oversight Committee on Barangay Drug Clearing Operations ang mitug-an nga 69 ka barangay sa Zamboanga Del Sur ang naluwas na sa problema sa ginadili nga droga.
Nag-una niini ang Barangay sa lungsod sa Bayog; 12 sa Lakewood; 17 sa Tigbao; 16 sa Dumalinao; 14 sa Josefina ug lima ka barangay sa Labangan.
Gibutyag ni Gabales nga ang mga kwalipikasyon aron maapil sa mga gideklarang drug free barangay kinahanglan walay transaksyon sa iligal nga droga sa ilang lugar.
Gipangunahan sa mga personahe sa Regional Oversight Committee on Barangay Drug Clearing Operations ang gihimong makuti nga evaluation sa mga barangay.
