SYUDAD SANG Iloilo – Sa ika-anum nga higayon, hiwaton ang Iloilo City Bike Festival sa Mayo 1 tubtob 5 subong nga tuig.
Ang highlight sang Bike Fest hiwaton sa Mayo 5 sa diin may 15-kilometer grand fun ride nga magasugod sa Casa Emperador, Megaworld Iloilo Business Park sa Mandurriao.
May kaangtanan siri, gina-imbita ni Mayor Jose Espinosa III ang tanan nga bike enthusiasts nga mag-upod sa mga nakalinya nga aktibidad.
Ang Iloilo city ginakabig man nga bike-friendly city sa bug-os nga pungsod.
Ginalauman nga masobra 1,000 ka bikers ang magapasakop gikan sa syudad sang Iloilo kag kaiping nga mga kabanwahanan.
Ang grand fun ride magasugod las 5:30 sa hapon kag magatahak halin Megaworld padulong sa Plaza Jaro; Luna, La Paz; Arroyo Fountain Area in City Proper; Iznart Street; J.M. Basa Street; Plaza Libertad; Muelle Loney; New Grandstand; kag balik sa Arroyo Fountain, General Luna sa diin ang mga bikers magagamit sang bike lanes, kag magaliko sa Diversion Road tubtob makabalik sa Megaworld.
“Let us all enjoy the grand fun ride and please be at the venue before 4 p.m. and bring blinkers for you to use at night,” ang pahayag ni City Sports Division officer-in-charge Moises Salomon Jr.
Photo via 6TH Iloilo Bikefest 2k19 <www.facebook.com/6TH-Iloilo-Bikefest-2k19-310545376280493/?__tn__=kC-R&eid=ARBFWslxy01Zqp_zHdVbWhjBZ9CSLtA8DlwC2cHGGbNAHVNACDPdVL2-54gXd27bebzYjHmyXgKI3P-x&hc_ref=ARQfOsyzfOJt_G9NxCvLg0mb0aVCiHGRj0…>
