Karong adlawa ang katapusan sa gipahigayong nga 6th National Rice Techno Forum dinhi sa dakbayan sa Dipolog didto sa Zamboanga del Norte Cultural and Sports Center sa may Brgy. Estaka.
Unang adlaw palang adunay gihimong ribbon cutting atubangan mismo sa sports center pinaagi sa Personahe sa Rice Board, DA,RD Constancio Alama,Recher Ondap president sa Rice Board, ug uban pang kadagkoan sa nahisgutan nga mga ahensya.
Gitambungan kini sa mga mag-uuma, mga sakop sa kooperatiba uban sa ilang mga pangulo, ug mga pribadong indibidwal nga mahilig sa pagpanguma.
Gihisgutan sa maong forum ang may kalabot sa mga problema sa ilang pagpanguma kun unsaon nila nga mo dako ang ilang ani o ganansya.
Ang tanang mga mulo sa mga mag-uuma gipaminaw kadto sa mga dagkong opisyal aron sa ingon mapaabot usab ngadto kang Sec. Manny Piñol aron sa ingon mahatagan kini ug pagtagad.
Anaa usab ang nagkadaiyang kompanya sa mga pestisidyo aron mo hatag usab ug pipila ka mga kahibalo nga sarang magamit usab sa pagpananom.
Kagahapong adlawa mismo si Sec. Manny Piñol ang mihatag sa mga sertipiko ngadto sa mga nakadawat ug ekipo pinaagi sa Loan alayon kini karon sa programa sa DA.
Dako ang pasalamat sa mga nakadawat tungod kay dako na kining tabang alang sa ilang pag ugmad sa yuta.
Sa laing bahin, nanawagan usab ang taga DA pinaagi ni Sec. Piñol nga mo gamit ug mga hybrid seeds aron mo dako pa ang abot ug kita niini.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
