Dipolog City – Daling gidala ngadto sa balay tambalanan ang usa ka 7-anyos nga batang lalaki human nadasmagan og sakyanan didto sa national highway sa Barangay Sicayab ning dakbayan, kagahapon alas 2:07 sa hapon.
Subay sa taho sa kapulisan, ang biktima nailhan nga si Nick Jeremiah, menor usa ka estudyante, mulupyo sa susamang barangay, kinsa nahiagom og daghang pangos ug bun-og sa lawas.
Gibutyag sa traffic section sa Dipolog City Police Station, nga nagdagan ang kolor pula nga sakyanan mitsubishi, plaka numero NP 3770 gimaneho sa lisensiyadong drayber nga si Jhon Demos, 33 anyos, ulitawo nga taga dakbayan sa koronadal, South Cotabato.
Sumala pa nga kusog ang dagan sa sakyanan ug wa kini makabantay nga kalit mitabok ang menor hinungdan nga maayong pagkalagpot sa biktima.
Daling sab gisapupo ug gidala sa maong drayber ang bata sa Zamboanga del Norte Medical Center aron katambalan.
Hinuon, boluntaryong mitahan ang drayber ngadto sa kapulisan ug gitakdang manubag sa salaod nga nahimo. (-r.m-)
