Davao City – Patay sa diha-diha ang usa ka 7-anyos nga batang lalaki nga si alyas Yan-yan, taga-Sitio Upper Kibalang, Marilog District ning siyudad human kini naligsan samtang patabok sa highway.
Base sa report bandang alas-4:35 sa hapon sa adlaw’ng Lunes ang usa ka Isuzu pick up nga dunay plaka numero LDP 435 kinsa gimaneho ni Jesyl Anne Cabantug padulong sa siyudad sa Davao apan pag-abot sa nahisgutang lugar kalit matud pa mitabok sa highway ang bata ug ulahi na kining nakita sa driver gani aksidenteng nabanggaan kini.
Sa kakusog sa impact patay diha-diha ang biktima.
Balhog na sa Marilog PNP ang driver aron mapasakahan og kaso ngadto sa korte.
RadyoMaN Paul Canono
Facebook Comments
