Pagadian City – Negatibo na sa COVID-19 ang probinsya sa Zamboanga del Sur. Kini ang gikompirmar sa Zamboanga del Sur Task Force COVID 19 kagahaon sa buntag.
Base sa resulta sa confirmatory test , negatibo na ang 7-anyos nga batang lalaki nga taga lungsod sa Dumalinao kinsa mao ang ikatulong kompirmadong kaso sa COVID-19 dinhi sa probinsya.
Negatibo usab sa test ang inahan sa bata kinsa mao ang nagbantay sa isolation area ug ang pamilya niini.
Siya ang ikatulong pasyente nga adunay COVID 19 nga na-discharge sa Zamboanga del Sur Medical Center isolation area human sa unang duha ka mga pasyente nga taga Pagadian City ug Labangan.
Apan bisan pa man negatibo na, nagpabilin gihapon nga ilalom sa Enhanced Community Quarantine ang probinsya ug estrikto gihapon ang pagpatuman sa guidelines sa tanang kalungsuran ug sa dakbayan sa Pagadian.
