Sa interview sa DXDC RMN Davao kang PLtCol. Kristopher Sabsal, Chief of Police sa Sta. Cruz MPS, iyahang gisaysay nga nagdula ang biktima nga si alyas Janjan ug amigo niini nga si alyas Mark sa dihang nagtuo kining dulaan ang iyahang nakit-an nga pusil hinungdan nga iyaha kining gition sa iyang kadula ug kini miboto nga maoy rason sa kamatayon sa biktima.
“Accordingly, nagdula ang mga bata. Kadtong isa ka bata nakakita sya’g pusil. Pagtuo niya’g toy gun lang. So, gi-aim niya sa iyang kadula nga bata. It so happened nga tinuod nga pusil, pagkablit naigo ‘tong isa ka bata which caused to his death,” saysay sa pulis.
Gilayon usab nga gipailawom sa Municipal Social Welfare and Development Office (MSWDO) sa Sta. Cruz ang ang bata nga gikonsiderang Child In-Conflict with the Law (CICL).
Sa interview sa pulis sa amahan ni alyas Mark, gibarogan niining dili siya ang nanag-iya sa maong handmade gun. Sa pagkakaron, ginaimbestigahan usab kung kinsa ang nanag-iya sa maong pusil kay walay makapamatuod sa legitimate owner tungod kay kini improvised man. Ugaling mahibal-an kung kinsa ang tag-iya, mamahimo siya nga mag-atubang og kaso.
RadyoMaN Kirby Manzon
