Davao City – Pito ka mga drug suspects ang naaresto sa gilusad nga buy-bust operation sa PDEA Region XI sulod sa giingong drug den sa Purok 16, Barangay Poblacion, Nabunturan, Davao de Oro.
Matud sa PDEA XI malampusong napalitan sa ilahang poseur buyer og shabung nagkantidad sa P10,000 ang gikonsiderang Provincial Target List Number 10 sa Davao de Oro nga si Ernie Tubianosa Empleo.
Sikop usab ang mga giingong mga drug den visitors nga sila Rolando Delgado, Xandrex Dave Paña, Ian Jave Reyes, Edgar Romero Jr., Steffanie Ang ug Rosemarie Rabadon.
Musumada sa P160K nga shabu ang narekober sa maong buy-bust.
Kasong paglapas sa Section 5 (Sale of Dangerous Drugs), Section 6 (Maintenance of a Drug Den), Section 7 (Employees and Visitors of a Den), Section 11 (Possession of Dangerous Drugs) ug Section 12 (Possession of Drug Paraphernalia) sa Article II of Republic Act 9165 kun The Comprehensive Dangerous Drugs Act of 2002 ang atubangon sa mga dinakpan.
RadyoMaN Aimee Guinita
