Sa exclusive interview sa DXDC RMN Davao kang Jaiasent Cabactulan, personahe sa Municipal Disaster Risk Reduction and Management Office (MDRRMO) Kapalong, iyahang gibutyag nga gawas sa upat (4) ka miyembro sa pamilya nga natabunan sa landslide sa Sitio Awod, Barangay Gupitan, aduna usay landslide incident sa Sitio Taongatok sa parehong barangay, asa dunay magtiayon nga natabunan usab sa pagdahili sa yuta, diin ang lalaki ang kumpirmadong patay samtang nagpabiling missing ang asawa.
Matud ni Cabactulan nga usa ka isolated nga lugar ang Brgy. Gumitan, apan kanunay ang ilahang pagpahimangno sa mga residente sa kabukiran nga gilayong mag-evacuate panahon sa emerhensya.
“Kumpleto kaayo na’g pahimangno tanan nga kung magsige na’g ulan sa Kapalong, mubakwit na ang naa sa mountainous areas. Nahitabo man gud gyud daw (ang landslide) kaadlawon,” saysay ni Cabactulan.
Gikumpirma usab sa otoridad ang casualty sa Brgy. Sua-on, Kapalong, diin gikumpirma sa pamilya ang biktima nga si Castillo Adot, human nga nahugno ang hanging bridge sa Purok 2 Taguango, diin ang biktima maoy ikapitong natalang casualty sa MDRRMO Kapalong.
RadyoMaN Kirby Manzon
