Davao City – Arestado sa joint buy bust operation sa Philippine Drug Enforcement Agency (PDEAXI) ug San Pedro PNP ang pito ka mga bag-ong naidentipika nga drug personality nga mao sila Carmela Tan, Sherlyn Gabutero, Martin Velez, Arnel San Juan, Julius Bautista, Cezar Ian Bautista ug Laressa Marie Coro parehong hingkod ang pangidaron.
Base sa report, naaktuhan alas 6:20 sa gabii nga nag pot session ang mga suspek sulod sa usa ka lodging house nahimutang sa may San Pedro Corner Legaspi St. ning syudad sa Davao.
Narekober sa mga dinakpan ang tulo ka gituohang shabu nga gibanabanaang nga mutimbang og 15 gramo.
Subay sa monitoring sa PDEA sagad nga ginabaligyaan og shabu sa mga suspek ang mga babaye nga bayaran sa maong lugar.
Ang walo ka mga dinakpan balhug na sa detention cell sa PDEA 11 ug gihikay na ang kasong pagsupak sa Akta Republika 9165 kon Comprehensive Dangerous Drug Act of 2002.
RadyoMan Don Pulayao
