photo credit to the owner
Padayon pang gisuta karon sa kabomberohan ang hinungdan sa sunog bandang alas dose sa udto sa may Barangay Pagahan, Initao Misamis Oriental.
Milungtad sa tulo ka oras ang kumbati sa mga bombero diin pito ka panimalay ang gilamoy sa kalayo.
Matud ni Brgy. Captain Christine Balabat, nga pito ka mga pamilya o 29 ka mga indibidwal lakip na mga bata ang naapektuhan sa sunog.
Giingong hinimo sa light materials ang maong mga pinuy-anan ug walay bisan unsa nga nadala ang maong biktima gumikan sa pagdako sa kalayo.
Anaa karon sa Barangay covered court mipasilong ang mga biktima, diin natunolan usab kini ug ayuda sa barangay .
Facebook Comments
