Davao City – Naluwas sa mga personahe sa Coast Guard Sub-Station Babak ug 802nd Squadron Philippine Coast Guard Auxiliary (PCGA), ang pito ka mga mananagat nga na-stranded sa kadagatan sa Barangay Tambo, Babak District, Island Garden City of Samal.
Gibutyag ni Ensign Vasit Venturillo, Coast Guard Island Garden City of Samal (IGACOS) Station Commander, nadautan sa ilang lantsa sa lawod ang mga mananagat.
Daling niresponde ang mga personahe sa Coast Guard ug nasalbar ang mga mananagat nga giilang sila Alex H. Esmula, 22 anyos, John Lloyd Relles, 21 anyos, Denzel James Rosas, 20 anyos, Matt David Nodura, 20 anyos, Joshua Jayme 20 anyos, Nadzber Sumo, 19 anyos ug Yu Jeremy, 18 anyos nga mga taga-Muslim Village, Km 11 Sasa, Davao City.
Gibira sa Coast Guard gamit ang aluminum boat ang nagubang lantsa padulong Km.11 Sasa, Davao City.
Matud ni Venturillo, luwas ug nakauli na sa ilang panimalay ang mga mananagat.
RadyoMaN Aimee Guinita
Facebook Comments
