Pormal nang na turn over ngadto sa pito ka mga barangay dinhi sa Iligan ang brand new nga mga Ambulance nga gikan mismo sa Department of Health o DOH pinaagi sa inisyatiba ni Lone District Congressman Frederick Siao.
Walay kabutangan sa kalipay sa pito ka mga kapitan nga mao ang kapitan sa Rogongon, Cabacsanan, Hinaplanon, Santa Felomina, Palao, Saray ug Buru-un dihang ilang gidawat ang maong ambulansiya nga nagkantidad ug 2.5 million pesos ang matag usa.
Sa iyang mensahe, gibutyag ni DOH Regional Director Adriano Suba-an nga kinahanglang gamiton sa insakto ang maong mga ambulance subay sa ilang gipirmahan nga kasabutan.
Matud ni Subaan dili lalim ang paghangyo sa maong mga ambulansiya hinungdan nga iyang gisugyot sa mga barangay nga midawat niini nga ampingan kini ug maayo.
