Sa interview sa DXDC RMN Davao kang Police Staff Sergeant (PSSg) Jonas Glen Javier, imbestigador sa Compostela Municipal Police Station, iyang gibutyag nga pito (7) ka mga estudyante sa elementary ang kalit lang nga na-possess human nga nagtakod-takod sa ilang kaubanan.
Dugang niya, nagkirig-kirig ug lahi na nga pinulongan o ginayawyaw sa mga estudyante nga daw nagsudlan og dautang espiritu nga dali usab nga gihatagan og spiritual intervention. Matud sa pulis, unang higayon kini sa eskwelahan nga nagbaton sa maong panghitabo.
“Pagkahitabo sa eskwelahan, gidala sila sa usa ka healing ministry. Didto sila gi-pray over. Okay na man ang kadtong mga bata nga nasaniban,” sulti sa pulis.
Sa official statement nga gipagula sa eskwelahan pinaagi sa ilang Facebook page, nagpatuman sila og duha ka adlaw nga suspensyon sa klase gikan November 20-21, 2023 aron nga maaksyonan ug maimbestigahan ang insidente.
“The school will make official announcement and advisory as to when the classes will resume, and as soon as the deliverance procedures are complied,” tipik sa ilang official statement.
RadyoMaN Kirby Manzon
