Sa interview sa DXDC RMN Davao kang PLT.Col Ronald Lao Station Commander Sta. Ana Police Station, walay gikareport nga untoward incident ug walay mga nag-riot nga mga batan-on.
Segun ni Lao, hangtod mahuman ang siyam ka buntag nga misa sa Disyembre 24, 2022, padayon nagbantay ang ilang mga personahe sa ilang tagsa-tagsa ka AOR.
Samtang giingon usab ni Police Major Marvin Hugos Hepe sa San Pedro Police Station, walay natala nga nag-riot nga mga batan-on sa ilang area of responsibility tungod nagtinabangay usab sa pagbantay ang mga personahe sa security and safety clusters.
“Nahimong hapsay man ang paghatag og seguridad ug pagpahigayon sa Misa de Gallo dinhi sa San Pedro Cathedral, Saint Jude ug ang Assumption Church. Nagtinabangay (mi) sa pagbantay aron mahimong hapsay gyud ang Misa de Gallo,” sulti ni Hugos.
RadyoMaN Don Pulayao
