Davao City – Nasikop sa San Pedro PNP ang pito ka mga tao nga nag sugal alas 3:30 sa hapon human gilusad ang Anti-Illegal Gambling Operation ubos sa mando ni San Pedro PNP station commander Police Chief Inspector Ramil Macarampat nahitabo sa Brgy. 40-D Bolton Isla sa dakbayan sa Davao.
Sa blotter sa San Pedro PNP ang mga dinakpan mao sila si Silverio Mamac (57 anyos), usa ka laborer, Pedro Miral (63 anyos), Rolando Villegas (57 anyos), Venette Labayen (41 anyos), Jonie Coniengo (48 anyos), usa ka painter, pareho nagpuyo sa nasampit nga lugar, Esabelo Andanes Jr. (44 anyos), usa ka construction worker nga residente sa Purok 9 Buda Marilog District ug usa ka Dennis Tan (29 anyos) nga residente sa Purok 15 Sanasa St., Brgy.76-A Bucana ning siyudad.
Matud pa, naaktuhan sa mga police nga nag-mahjong sulod sa pinuy-anan sa usa ka alyas Chona ug nakompiska sa kapulisan ang bet money nga mukantidad og 470.00 ka pesos lakip ang mga illegal gambling paraphernalia.
Ang mga na-aresto balhog na sa presinto dos sa San Pedro PNP ug gihikay na sa kapulisan ang kasong kalapasan sa Republic Act 9287 kun Illegal Gambling.
RadyoMaN Don Pulayao
