7 nga ili ken 1 a siudad itiIlocos Norte, nakagun-od ti Seal of Good Local Governance Award

111

iFM Laoag – Nakagun-od pammadayaw dagiti pito (7) nga ili ken maysa (1) a siudad iti probinsia ti Ilocos Norte nga inpaay ti Department of Interior and Local Government (DILG).

Nabigbig dagiti pito (7) nga ili; Bacarra, Bangui, Banna, Burgos, Currimao, San Nicolas, Vintar ken iti Batac City a nakaawat ti Seal of Good Local Governance Awards wenno SGLG 2019. Iti napalabas a tawen 2018, malagip a nakagun-od met iti ili ti Piddig, Bacarra, Currimao, Paoay, San iti padana pammadayaw.


Nangiestablisar ti DILG iti pannakaassess dagiti ili babaen ti national validation a nangsabet kadagiti kwalipikasion a nakaipaayan da ti pammadayaw kas iti: Financial Administration, Disaster Preparedness, Social Protection, Peace and Order, Business-Friendliness and Competitiveness, Environmental Protection, Tourism, Culture and the Arts.

Mabilang nga iti SGLG ket mangisimbulo ti kinaadda ti integridad, panagkikinnamayyet a mangidaulo ti local a gobierno, babaen kadagiti abilidad ken naidumduma a wagas a pakakitaan ti panagserbi ken pannakaprogreso ti maysa nga ili.

Iti daytoy, agtultuloy nga ipapaay ti DILG dagitoy a pammadayaw kas pannakaobserbar ken pannakaipromote dagiti napintas a kalidad ken kababalin dagiti LGUs, gappoanan na a makaawat da ti Performance Challenge Fund, maysa nga incentibo a manggutigot kadagiti proyekto ti DILG ken addaan duagasut a ribo a pisos (200,000) a budget.

Facebook Comments

From Advertisers