Sinco el muerto on the spot mientras ya muri otro dos persona na ospital despues rebenta el un explosiva na sitio Washington brgy Guban, Sirawai Zamboanga del Norte endantes banda alas sinco del tarde.
Asegun con Wilson Simbulaan, hermano del uno del maga victima que ya occuri el incidente despues puede pipina si untal Karding con el explosiva na camino que asegun ta duenia el compania donde estos ta trabaha y despues ya lleva con este bolbe na diila bunkhouse y ya hace pukpuk que ya causa para rebenta el mencionao explosiva.
Como resulta, sinco ensiguidas el ya sale muerto inclujido si untal Karding y el tres man hermano menor menor de edad y otro pa diila companyero.
Sinco otro del maga victima el con quien ya lleva transferi para aqui na ciudad de Zamboanga por el tratamiento medical,Sin embargo ya declara dead on arrival el maga ta attende doctor con Jufer Simbulaan, 16 ańos el edad, mientras ya muri tambien el otro victima identificao como si Junrey Sango, 18 años, soltero, todo estos maga nativo del Sindangan Zamboanga del Norte.
Ta continua pa tambien dale tratamiento medical con otro tres maga victima identificao como canda Arnel Malancio, Joey Sandigon y si Paul Simbulaan (tata del tres menor de edad ya muri on the Spot).
Mayor parte el na pies y bariga portion del cuerpo del maga victima el ya sale bien affectao durante el explosion.
El RMN Zamboanga ta precura saca el mas del maga detalles desdel policia.
