7 quarantine sites sa rehiyon ready na karong bulana

125

Davao City-Gipaspasan na sa Department of Agriculture XI ang pagpalit sa mga kagamitan alang sa pito ka mga quarantine points para malikayan ang pagsulod sa bird flu dinhi sa Davao Region.

Segun ni Agriculture Bird Flu spokesperson Dr. Dannie Apelo nga andam na ang Special Task Force Against Avian Flu nga ideploy sa imuntar nga mga checkpoints.

Karong Agosto 23, Miyerkules dunay himuong meeting ang Department of Agriculture uban ang mga Local Government Units (LGUs) alang sa pinal nga mga plano para niini.


Segun ni Apelo sa dili pa matapos ang bulan sa Agosto target nila nga mabutang na dayon ang mga quarantine sites sa Buda, Kinuskusan sa Davao del Sur, Talaingod sa Davao del Norte, Monkayo sa Compostela Valley Province, Boston sa Baganga, Davao Oriental, ug gipilian pa kung asa gyod ibutang sa Davao Occidental.

Gibutyag ni Apelo nga usa sa mga rason nganong gidali nila ang pagpalit sa mga kahimanan tungod kay wala pa natapos og patay ang mga apektadong manok sa Pampanga ug bag-uhay pa lang sab dunay kumpirmadong bird flu cases sa Nueva Ecija diin sa Jaen, mga pugo ug mga manok sa pikas barangay nag-positibo sa bird flu.

Dugang ni Apelo, gawas sa mga quarantine sites nakaandam sab ang pondo para sa ayuda sa mga poultry farmers dinhi sa Davao Region kung maapektuhan sa maong virus.



Kasamang Aimee Guinita

Facebook Comments