Anaay usa ka pagtuon nga nag-ingon nga 1 sa matag 4 ka mga relasyon ang nagpakita sa pagpangluib o mas naila sa tawag nga cheating o pagpangabit. Siguro nakahibaw naka mismo sa mga obvious signs nga ang imong uyab o asawa/bana ba kaha involve ani nga behavior.
Sama anang naa siyay lain nga fb account o ba kaha dili magpa-open sa iyang fb account. Kana pung naa kay masakpan nga naa siyay extra nga mobile phone nga wala niya gisaba sa imuha. Usa pud ka tima-ilhan mao ang pagsud niya sa mga dating sites. Ug usa sa common nga signs mao ang late nga pag-uli sa balay nga walay igong rason ngano nga late siya nauli.
Alang sa atoang episode karon sa TakenSingle.com, atoang hisgotan ang mga indicators o tima-ilhan nga posible nga gibinoangan ka sa imong pares. Mao ni ang pito (7) nga mga dili kaayo halata nga tima-ilhan nga nagbinoang nimu imong pares:
1. PRIORITY ANG PAGPA-GWAPO O PAGPA-GWAPA
Suma pa sa mga experts nga kung secure naka sa usa ka relasyon, less priority na nimu ang imong hitsura. Mao bitaw na ang uban mu-ingon nga “Nanambok lage ka?” Mu-reply dayon ka nga “Kay naa may nagmahal.” Peru kung ang imong pares magpa-sexy na, o magpa-abs na, you better think twice. Mura siya’g nibalik sa early stage sa inyong relasyon nga best foot forward gyud labi na sa looks. Basin naa ni lain nga gi-pagwapahon o pagwapahan.
2. DILI NA MOSULTI SA IYANG PROBLEMA DIHA NIMU
Naa man gyud tay mga hegala peru ang atoang pares mao ang usa sa mga importanteng tao nga dapat natong sumbongan sa atoang problema. Anha siya dapat mupahungaw nimu sa bisan unsa man na problema. Issue sa trabaho, family conflict o even financial problem, dapat ikaw iyang sumbongan. Og adto na siya moduol sa laing tao, basin naay chance nga naa siya’y lain na kalambigit.
3. MAGDALA OG DAGHAN NGA CASH KUNG MULAKAW
Suma pa sa mga experts nga kasagaran sa cheater dili na tig-withdraw o mu-transact pa sa bangko samtang kauban niya iyang kabit o secret partners. Maong gusto ani niya nga permi puno og cash iyang pitaka kung mulakaw.
4. SIGE PASANGIL NIMU NGA CHEATER KA
Suma pa sa usa ka Human Infidelity Coach nga si Caroline Madden, naay 2 ka rason ngano nga ang cheater kay magsige pamangil diha nimo. Una, para nga murag ikaw ang mudepensa unya maglisud ka og hunahuna nga siya ang gabuhat kay ikaw baya ang naa sa depensa nga side. Ikaduha, normal nga reaction sa cheater tungod kay mahadlok siya nga mabuhat nimu kay siya gane mismo nakahibaw unsaon pagbuhat ug paglusot sa iyang cheating behavior.
5. MAKALIMTANON SA MGA ISTORYA NGA IYANG GISULTI NIMU
Galibog naman sila og track sa mga cover up stories nila o mga tumotumo nilang istorya. Kasagaran sa ilang mga linya magsugod dayon og: “Nakasulti na ba ko nimu ani nga istorya?”
6. ACCEPTED ANG CHEATING SA ILANG PAMILYA
Naay mga psychologists nga nag-ingon nga posibleng nabuhat ni sa usa ka cheater kay nakita niya nga okay raman diay ning buhaton. Perhaps, gibuhat ba ron ni sa iyang mama o papa. Nga makalusot ra siya ug magpabilin gihapon siyang maglipayon. It doesn’t necessarily mean nga inheritance o kaliwat peru makita man niya nga acceptable ra so maong okay rang buhaton para niya.
7. DALING MASUKO KUNG E-CONFRONT
Ang tao nga wa gabinoang sa inyong relasyon siguro mas muhatag og good explanation sa iyang lihok nga imong gidudahan. Mu-reassure nimu nga ikaw ra gyud ug mupa-feel nimu nga safe ka niya. Sa pikas bahin ang cheater kay masuko og maayo kung imong e-confront sa iyang suspicious behavior.
Igo o liko ni para nimu idol? Amoa lang pud klarohon ang intention ani nga write up. Nanghinaot mi nga makatabang ni para ma-fix ang mga problema sa inyong relasyon o masulbad ang issue nga dugay na nimung gi-antos. Tinubdan: www.glamour.com ug www.bustle.com. Ang mga photos gikan sa web maong credits sa mga owners. (Sinulat ni Oyo, Boy ug Maikee)
