Sa interbyu sa DXDC RMN Davao kang Police Major Joenel Pederio, Buhangin Police Station Commander, giangkon sa suspek nga si Nenita Cepada Pagatpatan nga tungod sa natapun-og nga kasuko niini sa biktima nahimo niya ang mangilngig nga krimen.
Gibutyag ni Pederio, samtang nagtalikod ang biktima kinsa nakalalis na sa suspek gipuspusan niya kini’g dos por tres nga kahoy dihang natumba na kini giingong gitiwasan pa kini’g bunal og kaang.
Matud ni Pederio dihang niabot na ang anak sa biktima sa ilahang paninamalay adunay intensyong itago pa sa suspek ang pagpatay niini sa helper.
Narekober na usab sa kapulisan ang mga weapons sa krimen ang kahoy ug piraso sa mga nabuak nga kaang.
Gikonsidera sa kapulisan nga sa ilahang lebel nga solved na ang murder case.
Giklaro niini nga walay special treatment ang suspek sulod sa Buhangin Police Station ug bantay sirado kini ug nagpabiling restricted.
Kahinumduman nga napalgan ang patayng lawas ni Shella niadtong Hunyo 18,2023 sa Blk 20 Lot 44, Deca Homes, Cabantian, Davao City alas- 6:30 sa buntag.
RadyoMaN Aimee Guinita
