ILOILO City – May halos 70 ka mga drug personalities ang ginapakakas na sa listahan sang Iloilo City Police Office (ICPO).
Suno kay city DILG Director Atty Ferdinand Panes ini ang rekumendasyon sang ICPO matapos indi na makita sa mga barangays ang wala ginhinambit nga mga drug personalities.
Paathag ni Panes ginduso ini sang ICPO kasunod sang reklamo sang mga barangays nga indi na makita sa ila lugar ang mga drug personalities nga ila una nalista apang padayun nga nakalista sa ila BADAC reports.
Pahayag ni Panes, indi man matarong nga magapabilin ang mga drug personalities sa listahan sang BADAC sang isa ka barangay kun indi na ini makita sa ila lugar.
Una na nga 80 ka mga ngalan sa bug-os nga syudad ang gusto ipadelist sang ICPO apang nahisugtan nga 70 na lamang gikan sa pito ka distrito.
Photo via ICPO
