Davao City – Anaa na sa 70% ang nabakbak nga mga balay ug gambalay sa gipahigayong demolisyon sa sa Brgy. 26-C, Davao City karong adlawa.
Sumala ni Davao City Police Office kun DCPO spokesperson Ma. Teresita Plaza Gaspan, anaa na sa 70% ang na-dismantle karong adlawa samtang ugmang adlawa pa ipadayon ang pag-demolish sa nabilin pang 30% nga kinahanglan pa bakbakon sa maong barangay.
Dugang ni Gaspan, adunay kapin 100 ka mga pulis ang ipang-deploy ugmang adlawa sa demolition area aron usab magpabiling hapsay ang paghuman sa demolisyon samtang karong gabii aduna usab magbantay sa area aron masiguro ang seguridad sa luna usab sa tag-iya.
Sa karon, gitapok na ang mga personahe sa DCPO alang sa uban pang anunsyo o direktiba ni DCPO director Alexander Tagum.
RadyoMaN Renz Barbarona
