70% sa dog population sa Iloilo City, nabakunahan na

201

ILOILO CITY – Naglambot sa 73% sang bug-os nga populasyon sang ido ang nabakunahan sang City Veterinary Office.Resulta ini sang padayun nga paglibot sang CVO sa mga kabarangayan.

Sa kabug-usan nga 44,000 nga ido sa syudad, naglambot sa 24,914 ang ila nabakunahan.


Suno kay City Veterinarian Dr. Tomas Forteza target nila nga makabakuna sang 80% sang populasyon sang ido sa 2010.
Pahayag ni Forteza matakos ang pagka-epektibo sang programa kun mapahilayo sa rabies ang publiko.

Ginpasalamatan man ni Forteza ang bulig sang mga opisyal sa kabarangayan sa ila kampanya sa pagpabakuna sang mga ido.

Sa idalum sang Anti-rabies act of 2007 dapat mapunggan ang paglapta sang human kag animal rabies kag sa ulihi lubos na nga madula.

Panawagan ni Forteza dapat mangin responsible nga pet owners lang ang tanan.




Facebook Comments