70% uyon sa frat total ban

Davao City – Mogula nga 70% sa mga katawhang nahinabi sa programang ‘Straight to the Point’ kumbinsido sa ideya nga mas maayong wad-on na lamang pinal ang tanang mga fraternities ug sororities ilabi na kadtong naga-practice sa tradisyonal nga ‘hazing.’

Rason sa mga pro-abolitionists mao nga walay gikatahag nga kaayuhan sa atong mga kabataan ang membership sa maong mga Greek-lettered frats ug sors kinsa sagad ma-engganyo sa maong delikadong initiation rites.

Mientras tanto, mokabat sa 20% sa mga on-air respondents sa topikong ‘Aegis Juris’ nagkanayon nga uyon sila nga amyendahan ang existing Anti-Hazing Law aron mas hugtan pa ang mga penal provisions alang sa maong klase sa krimen.


Aduna usay 10% sa mga tigpaminaw nagtoo nga anaa sa kamot kun kargo sa matag tinun-an nga mo-abin or dili sa maong mga matang sa organisasyon sulod sa campus bisan pa man sa komon nga kasayuran nga adunay nagapanghitabong ‘hazing’ sa ilang mga recruits ug mga neophytes.

RadyoMan June Duterte

Facebook Comments