Mikabat sa 72 ka mga pasyente sa Northern Mindanao Medical Center o N-M-M-C ang nakagawas na maong hospital.
Matud ni N-M-M-C Medical Director Dr. Jose Chan nga kini nga mga pasyente unang gidudahan nga gitakboyan sa sakit nga Coronavirus Disease o COVID-19.
Gibutyag ni Chan nga ang pipila sa maong mga pasyente, nag-negatibo ang ilang swab testing batok sa Covid-19 samtang ang pipila usab niini naghulat pa sa resulta sa ilang swab testing.
Matud ni Chan nga sulod sa kapin duha ka bulan nga kampanya sa mga health officials batok sa COVID-19, walo ka pasyente sa N-M-M-C ang nagpositibo sa maong sakit ug usa niini ang namatay.
Gipasabot ni Chan nga sa walo ka test positive, usa na lang ka pasyente ang nagpabilin karon sa N-M-M-C.
Facebook Comments
