TACLOBAN CITY – “I shall return” ini an yakan ni Gen. Douglas Mcarthur dida han tuig 1942 han bumuto an World War II ha Asia Pacific. Hi Mcarthur an simbolo nga matatapuran han mga Pilipino an mga Amerikano.
Sanglit ginseselebrar yana nga adlaw an 73rd Anniversary han Leyte Landing ha Mcarthur Landing Memorial National Park ha Candahug, Palo, Leyte.
Syempre,tumambong han programa an mga beterano han World War II, mga amerikano, kasundaluhan, pulis, public officials ngan iba pa.
Gintagan anay hiton honor an istatuwa ni Mcarthur ngan gintikangan na iton programa.
Sumala kan retired Justice Manuel Pamaran, Executive Vice President han Veterans of the Philippines Freedom Fighter ngan usa liwat nga beterano, diri gud mahingangalimtan an Leyte Landing kay ansya ini an naghatag hin kinabuhi ngan kusog ha Pilipinas.
“Kung nasaan man ngayon ang ibang beterano ng World War II ay hindi naming makakalimutan ang Leyte Landing sapagkat ito ang nagbigay buhay sa Pilipinas.”
Diri naman malikayan nga mapaluha an mga beterano.
Tumambong gihapon kanina tikang ha Embassy of the United States to the Philippines hi Deputy Chief of Mission Michael Klecheski, sumala ha iya ini nga Leyte Landing in nagpapahinumdom la nga magsangkay gud an Pilipinas ngan America.
“We really appreciate that this occasion continuous to be remembered as a sign of a friendship, partnership, the commitment of peace, the commitment to working together again for all kinds of challenges.”
Mas magiging engrande an pagselebrar han Leyte Landing ha 2019 kay posible nga tumambong na mismo hi Presidente Rodrigo Duterte.
