Sa interview sa DXDC RMN Davao kang Abigail Abijay, 30 anyos, apo sa na-missing nga si Jose “Coboy” Inderes, 74 anyos nga taga Barangay Dugmanon, San Insidro, Davao Oriental, iyang gisaysay nga niadtong Martes sa dihang milakaw ang iyang lola ug ilang duda nga miapas usab ang iyang lolo, apan wala na kini nakauli. Saysay sa iyang apo, limtanon na ang iyang lolo apan makaila pa kini sa kanila nga iyang pamilya.
Aduna matud pay mga nakakita sa iyang lolo sa Pantukan, Davao de Oro nga naglakaw-lakaw ug lago na matud pa kini. Gibutyag sa apo nga katapusang gisuot sa iyang lolo ang pink ug stripe nga polo shirt, slacks nga pantalon ug itom nga sapatos.
“Kadtong Martes akong lola niadto’g Maco. Tapos wala man siya (akong lolo) gipauban, siguro mindset niya muapas siya’g Maco. Siguro nakasakay sya’g bus unya wala man sya’g plete, kwarta, gipanaog siguro sya sa bus. Mao ‘to nagbaktas siguro sya padulong og Maco,” saysay sa iyang apo.
Dugang sa pamilya nga ilaha nang napahibalo ang insidente sa kapulisan ug mitabang na usab sila sa pagpahibalo sa mga police station padulong sa Tagum City, Davao del Norte. Sa mga nakakita, mamahimong i-contact ang pamilya sa numerong 0946-116-5631 o makig-alayon sa DXDC 621 RMN Davao.
RadyoMaN Kirby Manzon
