Jamindan, Capiz – Pormal na nga gintugyan sang Jamindan PNP sa 75 – anyos nga ginang sa Barangay Lucero, Jamindan, Capiz ang ginpatukod nga poluy-an sa idalom sang Bahaynihan Project sang kapulisan sang Capiz PPO.
Sa ginpatigayon nga programa, dako nga pagpasalamat nga ginbaton ni Mansueta Villeza Lachica ang ginpatukod nga poluy-an sang mga kapulisan para sa iya.
Yara nagtambong sa amo nga aktibidad sanday Police Lt. Col. Jun V. Derla, Deputy Provincial Director for Administration sang Capiz PPO; hepe sang Jamindan PNP nga si PMaj Cherryl M. Visto; Municipal Mayor Mac Artur L. Valdemar; Lt Col. Calixto D. Cadano Jr. kag Capt BeeJay L. Guadilla sang Philippine Army.
Yara man ang presensya sang Barangay Official sang Barangay Lucero.
Mahibaluan nga si Nanay Mansueta ang ika-siyam na nga resipyente sang Bahaynihan Project sang Jamindan PNP.
📷 – Capiz PPO/Jamindan MPS
