750, 000 kantidad sa marijuana, gipang-ibot sa kapulisan

12

General Santos City— Mukabat sa kapin 3mil ka mga punuan sa marijuana ang gipang-ibot sa kapulisan sa Sitio Datal Alyong, Barangay Danlag, Tampakan, South Cotabato, alas 3 ang takna sa kadlawon.

Sumala kang Police Superintendent Aldrin Gonzales, tigpamaba sa PRO12 nga gipangunahan sa Tampakan Municipal Police Station uban ang Regional Mobile Force Battalion 12 Ug South Cotabato Mobile Force Company.

Gibana-banaang anaa sa kapin 750, 000 ka pesos ang kantidad sa maong mga marijuana.

Dugang pamahayag ni PSupt. Gonzales nga wala nasayran kung si kinsa ang tag-iya sa maong plantasyon sa marijuana gumikan igo lang matud pang nakadawat ug taho ang kapulisan.
Gisunog man usab sa tropa ang tunga sa maong mga naibot nga marijuana, samtang ang katunga ang gidala sa Provincial HeadQuarters isip ebidesnya.

Sa karon, ginasuta pa sa kapulisan kung si kinsa ang nanag-iya sa maong plantasyon aron nga mapasakaan ug tukmang kaso.

Kalabot niini gibutyag ni Gonzales nga padayon ang ilahang kampanya batok illegal nga droga lakip na ang mga plantasyon sa marijuana.

Pag-angkon niya nga gumikan sa mas gipakusgang kampanya batok shabu, gihimong alternatibo ang marijuana rason nga ilaha karong ginasuta ang anang area nga mamahimong tamnan niini.

Sa karon matud pa, dili pa niya mabutyag kung unsa kadako ang demand sa marijuana sa rehiyon, apan nagpabilin matud pa ang suplay niini.

Facebook Comments