76% ng COVID-19 ICU beds sa mga ospital sa bansa, okupado na – DOH

Okupado na ang 76% ng 4,200 Intensive Care Unit (ICU) beds sa mga ospital bansa para sa mga pasyente ng COVID-19.

Batay sa huling datos ng Department of Health (DOH), 73% ito ng kabuuang 1,500 kama sa National Capital Region (NCR).

Maituturing naman itong nasa ‘high risk’ level dahil mahigit na ito sa 70% pero hindi lalagpas sa 85%.

Samantala, umabot na sa 74% ng 4,300 ward beds sa bansa ang nagamit na.

Umabot naman sa 57% ng 3,300 mechanical ventilators ang nagamit kung saan 63% ng 1,100 ay nasa NCR.