Isa ka 77-anyos nga tigulang nga babaye ang ginapatihan nga ginhimuslan matapos masapwan ini nga duguon sa guwa sang iya balay sa Barangay Batiti, Concepcion, Iloilo.
Alas 4 kahapon sang kaagahon sang masapwan sang iya hinablos nga nagapalangluya kag may mga dugo kag wala na sang pang-idalum nga panapton sa guwa sang balay sini.
Magluwas sa paghimulos sa tigulang, ginsumbag pa ini sa nawong kabangdanan nga nalusok ang mata sini nga posible tunaan sang iya pagkabulag.
Sa karon nagapabilin nga yara sa ospital sa siyudad sang Iloilo ang biktima samtang may isa ka 18-anyos nga lalaki ang gindakop sang Concepcion PNP nga ginapatihan amo ang nagtinonto sa tigulang bangud sa tsinelas sini nga nakita sa balay sang biktima.
Suno kay Police Major Jonah Galicha, hepe sang Concepcion PNP nga ipaidalum sa drug test ang nasambit nga suspek nga mabaskog nga nagapanginwala sa nasambit nga krimen.
