Davao City – Nagprepara ang lokal nga panggamhanan sa Davao alang sa COVID-19 vaccination sa mga senior citizens.
Sa interbyu sa DXDC RMN Davao kang Dr. Ashley Lopez, City Health Office Chief, mokabat sa kapin 77,000 ka mga senior citizens ang laumang mabakunahan.
Gibutyag ni Lopez, sa ospital ipahigayon ang vaccination.
“Atong isunod ang mga senior citizens pero hospital based na sila. Naay pipila ka mga hospitals nga mu-participate sa vaccination para sa atong mga senior citizens,” sumala Lopez.
Matud ni Lopez, mag-agad lang kung unsa nga bakuna ang muabot ug posibleng mga vaccines sa Sinovac ug Astrazeneca ang gamiton.
Gibutyag niini, ang Sinovac vaccine mamahimong dawaton sa mga senior citizens nga stable ang condition ug walay comorbidities.
Giingon ni Lopez, mamahimo na untang sugdan karong semanaha ang vaccination sa mga senior citizens, apan wala pay supply sa COVID-19 vaccines.
RadyoMan Aimee Guinita
