Sa interview sa DXDC RMN Davao kang Acero, iyang gisulti nga kalit lamang nga nawala ang iyang igsoon nga si Marita, 78 anyos sa dihang namalengke kini uban ang iyahang usa pa ka igsoon kagahapon sa kaadlawon.
Gisaysay ni Acero nga aduna matud pay tawong nawala nga nagpatabang sa police outpost sa Bankerohan apan gipalakaw ra usab nila human nga wala matud pay nangita. Nabalaka ang pamilya ilabi na nga adunay Alzheimer’s disease si lola Marita.
“Pagkahuman niya’g bayad kay kuhaon napud niya tong item nga isda, paglingi niya, nawala na man ‘tong akong isa ka magulang. Ikaduha nana niya (nga nawala). Kadtong permiro nagkitaay pa sila. Ang karon, wala na gyud. Ang kalooy nako kay wala pa ‘tay pamahaw ug paniudto,” saysay sa igsoon.
Mamahimong i-contact ang musunod nga mga numero kung kinsa ang nakakita kang lola Marita: 09194562961 ug 09334084935 o makig-alayon sa DXDC RMN Davao, aron nga maselebrar usab nila ang Kapaskohan nga kumpleto ang pamilya.
RadyoMaN Kirby Manzon
