Pormal nang naupo bilang bagong city mayor ng Urdaneta, Pangasinan si Sangguniang Panlunsod 7th Member Rio Virgilio Esteves habang acting vice mayor naman si Sangguniang Panlunsod 8th Member Blesildo Sumera.
Pormal na tinanggap ng dalawa ang memorandum order na nilagdaan ni Department of the Interior and Local Government o DILG Secretary Jonvic Remulla.
Nauna nang sinuspinde ng Malacañang sina Urdaneta City Mayor Rammy Parayno at Vice Mayor Jimmy Parayno matapos na mapatunayang guilty sa kasong grave misconduct at grave abuse of authority.
Ang kaso ay nag-ugat sa reklamo ni Punong Barangay Michael Brian Perez nang siya ay illegal na palitan sa puwesto ng mga Parayno bilang presidente ng liga ng mga barangay noong 2022 at palitan ng pinapanigang indibidwal.
