Sa interview sa DXDC RMN Davao kang PSSg. Sermar Biene, Pantukan MPS, gi-report kanila sa concerned citizens ang usa ka menor de edad nga naglutaw sa dagat sa lugar alas 10:30 sa buntag.
Ang biktima nga si alyas Mae nga taga Purok 6, nakit-an pa sa iyang mga silingan nga nagbaktas pa sa baybay alas 6:00 ganinang buntag, apan alas 8:30 sa dihang nakit-an na kini nga wala nay kinabuhi.
Gilayon sab nga nakig-alayon ang pamilya sa bata sa kapulisan ug ilang gikumpirma nga dunay epilepsy ang anak.
“After na-receive namo ang information, giadtoan sa among duty investigator. Base sa investigation, naglutaw ‘ni (ang biktima). Nakit-an sa mga tawo dito ug kadtong mangingisda. Mao ‘to gipadaplin nila,” saysay sa pulis.
Sa pagkakaron, padayong giimbestigahan sa kapulisan kung duna bay foul play ang insidente, diin ang biktima gitakdang ipailawom sa autopsy.
RadyoMaN Kirby Manzon
