Davao City – Usa ang patay samtang pito ang nadakpan sa kapulisan atol sa gilusad nga mga drug buy bust operations ilawom sa Pilipphine Drug Enforcement Agency (PDEA-XI) ug mga kapulisan.
Sumala ni PDEA-XI Spokesperson Noli Nephi Dimaandal, ang upat ka nadakpan mao sila si Vincent Calonia, 43 anyos, Michael James Mckenna, 31 anyos, Ramel Labregas, Mae Ann Casicnan, 27 anyos, samtang patay ang usa ka alyas Jamil human misukol gamit ang pusil.
Samtang nadakpan usab sa kapolisan sa San Pedro PNP ang usa ka suspek nga dugay ng anaa sa watchlist nga nagapadayon sa pagpamaligya og iligal nga droga.
Sa gihimo nga drug buy-bust operation sa San Pedro Drug Enforcement Team ug PDEA-XI, naila ang suspek nga si Enrique Abragan, residente sa Brgy. 76-A Bucana.
Nakuha gikan niini ang tulo ka mga sachet nga dunay sulod sa gitoohan nga shabu, buy-bust money ug lain pang cash nga 1,000 ka pesos nga gitoohang halin sa suspek sa pagpamaligya og shabu.
Sa pikas bahin laing duha ka mga katawhan ang nadakpan atol sa gihimong operasyon sa Sasa PNP.
Unang nadakpan ang mag-iyaan nga sila Vina Perez,22 anyos, ug Ana Mae Montecillo,18 anyos, pulos nagpuyo sa Sagrada Familia, Km12 Sasa, alas 3:30 sa hapon dihang gikasa ang operasyon sa balay mismo sa mga dinakpan human gitunol ang usa ka sachet sa shabu.
Gipusasan sa mga otoridad si Jerry Jemlanie Saudi alyas Banjo, 25 anyos nga taga-Muslim Village Barangay Ilang ning dakbayan. Nakuha gikan kaniya ang laing tulo ka sachet sa shabu, 500 pesos nga mark money, cellphone ug motorsiklo.
Ang mga dinakpan pasakahan og kasong pagsupak sa section 5 ug 11 sa Republic Act 9167 kun comprehensive dangerous drugs act of 2002.
RadyoMaN Joel Viray / RadyoMaN Don Pulayao / RadyoMaN Paul Canono
