Davao City – Gikumpirma ni Davao City Mayor Sara Duterte-Carpio nga pipila ka mga personahe sa Davao City Police Office ang nagpositibo sa Coronavirus Disease 2019 (COVID-19).
Matud sa Alkalde, walo ka mga personahe ang nagpositibo sa virus diin gi-atiman na sa mga doktor ang nahisgutan.
“Upat kabuok DCPO personnel (ang positibo), isa ka police auxiliary, isa ka intelligence agent ug isa ka detainee. Kining tanan sila karon, gikuha na ni sa atong mga doctors,” butyag sa alkalde.
Segun sa Mayor, ang ika-walo mao kadtong unang personahe nga nagpositibo gumikan sa pagpatrolya atol sa pag hard lockdown sa Barangay 23-C, Davao City.
Giundang una ang ubang aktibidad nga ginahimo sulod sa DCPO sama sa pag-isyu og police clearance tungod sa pagpositibo sa pipila sa ilang mga personahe.
RadyoMaN Kirby Manzon
