8 irido na quema na Sulu

El Social Welfare 3 del Jolo si Zan Tulawie ya confirma na RMN Zamboanga tiene 8 ya sale irido durante el insendio ya sosede na dos barrio na Jolo del Marte tarde.
Na entrevista del DXRZ-RMN 900 Zamboanga con Tulawie ya habla le seiz el de edad y dos maga bata quien ya sale irido pero nohay ningunus diila el reportao grabe, pero dayun con estos ya dale el tratamniento medical.
Mientras ya subi na 26 mil maga individual con 5,200 familia el ya queda nohay casa despues ya man uput na quema.
Monton tambien maga casa que mayoria hecho de palo el ya queda ceniza durante el serca hocho hora quema.
Asegun con Tulawie tiene ya maga asistencia el ya llega con el maga victima quien ta esta temporaryamente na maga designao evacuation centers na lugar.
Ya aclara tambien si TUlawie dos solamnete maga barrio el ya sale afectao que ez Walled y Bus-Bus.
Este maga tiempo ta imbestiga pa el bumbero si cosa el causa y cuanto el destroso del insendio.

Facebook Comments