8 ka crew nga sakay sa naharang nga fishing vessel kasuhan

Davao City- Arestado sa mga personahe sa Naval Forces Eastern Mindanao (NFEM) ang mga crew sa fishing vessel nga M/B PRINCESS SARAH nga sakay ang mga smuggled cigarettes sa Balut Island, Sarangani, Davao Occidental.

Matud ni LCDR Jerome Mauring, Public Affairs Officer sa NFEM, siyam ka mga crew ang ilahang nadakpan ug usa ang menor de edad.

Kasong paglapas sa RA 4712 kun an Act amending certain sections of Tariff and Customs Code of The Philippines ang atubangon sa mga suspek.

Sa report sa Philippine Navy, samtang galusad og territorial defense operations sa Philippine-Indonesian borders ang BRP Artemio Ricarte (PS37) namatikdan ang maong fishing vessel ug wala kini garesponde sa radio communication hinungdan nga giharang na kini sa mga awtoridad.

Anaa sa 600 master cases sa mga illicit cigarettes ang nakumpiskar.

Giimbestigahan pa sa NFEM kung asa naggikan ang maong vessel lakip na ang kinatibuk-ang kantidad sa maong smuggled cigarettes.

RadyoMaN Aimee Guinita