8 ka polis sa PIB girelibuhan

Gimando sa hepe sa Philippine National Police General Oscar Albayalde ang pagrelibo sa walo ka sakop sa Provincial Intelligence Branch (PIB) subay sa pagkamatay sa usa ka polis sa Barangay Sudlon 1, dakbayan sa Sugbu .

Gihulagway ni Police Regional Office-7 Director Debold Sinas nga misencounter ang nahitabo ug dili kay target sa follow-up operation sa PIB si Police Corporal Feliciano Yballe diin kini napatay .

Matud ni Sinas dili usab tinood nga si Yballe maoy suspek sa pag-ambush ug pagpatay ni Police Master Sergeant Junard Cinco didto sa Media Onse dakbayan sa Toledo .


Tungod sa maong insidente si Albayalde nimando sa pagrelibo sa walo ka polis nga apil sa maong operasyon ug kasamtangan silang ibalhin sa Regional Personnel Holding Administration Unit sa PRO-7.

Facebook Comments