Davao City – Kapin 80 ka mga Police Officer 1 sa nagkadaiyang departamento apil nipartisipar ang Mobile Patrol Group sa gipahigayong re-orientation sa kapolisan nga gisugdan kagahapong adlawa natigayon sa Multi-Purpose Building sa Davao City Police Office (DCPO) siyudad sa Davao.
Sumala ni DCPO spokesperson Police Sr. Inspector Maria Teresita Plaza Gaspan nga tumong niini ang mapasabot sa kapolisan kun unsa ang ensakto nga trabaho sa mga police sama sa Operational Procedure ug pagpahinumdom kanila sa unsang tama nga proseso sa paghipos sa mga kabataan sa kadalanan nga napasagdan sa mga ginikanan diin hinungdan sa riot ilabina sa panahon sa ‘curfew hours’.
Kagahapon usa sa ilang gihisgutang usab ang pagrespeto sa tawhanong katungod ingon man ang balaud RA 9344 nga gipasabot sa kapolisan nga usa usab nga angayang tumanon sa kapulisan.
Gani, tumong sa maong pagrefresh sa mga police nga malikayan ang nahitabo sa duha ka mga police nga sila si Police Officer 1 Natividad ug Police Officer 1 Masinaging human nga nagdagmal sa tulo ka mga minor de edad.
RadyoMaN Don Pulayao
