Niadtong Miyerkules, September 27, 2023 sa dihang patay ang usa ka 81 anyos nga lalaki nga si Philip Corporal human nasunog ang iyang balay sa Purok Matulungin, Barangay Matiao, Mati City, Davao Oriental.
Sa pakighinabi sa DXDC RMN Davao kang Police Major Al Anthony Gumban, Office-In-Charge sa Mati City Police Station, iyang gibutyag nga nahitabo ang sunog alas 4:00 sa hapon ug nadeklarang fire out alas 5:10 sa hapon sa susamang adlaw.
Saysay ni Gumban nga posibleng nahulog nga lampara ang hinungdan sa sunog nga daling mikusog ug nakaugdaw sa balay nga gama lamang sa light materials.
“Base sa investigation, didto ra gyud sya sa iyahang higdaanan nasunog uban sa iyang balay. Dili sya makatindog (kay siya usa ka) person with disability unya at the same time tigulang napud, 81 years old na,” matud ni Gumban.
Dugang sa police official nga nag-inusara lang ang biktima sa iyang balay ug ginaduaw-duaw lamang sa iyang mga paryente.
RadyoMaN Kirby Manzon
