Davao City – Atol sa adlaw sa kapaskuhan, boluntaryong mitahan sa kapulisan ang usa ka Janrey Tibor, 22 anyos, minyo, usa ma motoposh dealer ug residente sa Purok 1, Macopa, Laak, Davao de Oro, diin kini nalambigit sa disgrasya sa kadalanan partikular sa Purok 2-A, Poblacion, sa maong probinsya.
Migula sa imbestigasyon sa Laak PNP, nga alas 12:30 hapon sa maong adlawa, naglawig ang maong suspek sakay sa iyang Motoposh Pinoy 125 motorcycle paingon sa iyang panimalay apan una nakaabot, aksidente niining nabanggaan ang usa ka Pacita Ococa, 82 anyos, Purok 2-A Poblacion Laac, Laak, Davao de Oro, kinsa nakahiagom og managlahing samad sa kalawasan.
Daling gidala sa balay tambalanan aron matambalan ang biktima apan gideklarang dead on arrival.
Samtang ang driver nakahiagom og minor injuries sa managlahing parte sa kalawasan diin kini gipatambalan sa maong ospital ug kasamtangang gidala sa Laak Police Station alang sa tukmang disposisyon.
RadyoMaN Jason Amisola
