Davao City – Pangulohan ni Davao City Mayor Inday Sara Duterte-Carpio ang Pasiugdang Pagsaulog o opening sa ika-82nd Araw ng Davao sa Rizal Park alas-5:30 sa Biyernes hapon.
Gibutyag ni City Tourism Office head Generose Tecson atol sa interbyu sa RMN Davao nga ang highlight atol sa opening mao ang pag-showcase sa mga kandidata ug mga kandidato sa tulo ka mga major pageants karong tuiga ang Mutya ng Davao, Ginoong Davao ug Reyna Dabawenya.
Segun ni Tecson nga adunay misa sa San Pedro Cathedral alas-4:00 sa hapon nga panguluhan usab ni Davao Archbishop Romulo Valles una pormal nga pagaablihan ang Araw ng Davao.
Gawas kang Mayor Inday imbitado usab ang mga labaw sa mga consular offices atol sa aktibidad ugmang adlawa.
Nagpabiling Stand Tall, United, Resilient ang tema sa syudad sa Araw ng Davao karong tuiga.
Matud ni Tecson nga mokabat sa P42-M ang budget sa syudad para niining dakong selebrasyon.
Dagkong papremyo ang gitagana para sa mga mananaog sa tulo ka mga pageants.
Gawas sa giatangang coronation day sa tulo ka mga pageant ug parada, giimbitahan ni Tecson ang tanan nga musalmot sa gipreparang mga bag-ong kalingawan sama sa 3D Mapping presentasyon sa City Hall of Davao diin ipakita ang history sa syudad, Trees of Light ug Kalingawan sa Sta. Wharf, ug Sister City Consular Offices Exhibit.
RadyoMaN Aimee Guinita
