Nagsugod sa gamay`ng lalis , apan niresulta sa pagpanigbas ngadto sa usa ka 84 anyos nga lolo .
Ang biktima nailhan nga si Wilfredo Secretaria , 84 anyos ug byudo samtang ang nagtigbas niya mao ra usab ang iyang uyab nga 54 anyos ug nailhang si Maria Garing Del Rosario , buwag sa bana .
Ang insidente nahitabo sa Purok 7 Barangay Daanlungsod sa dakbayan sa Toledo.
Nasuko ang biktima nga si Secretaria ngadto sa iyang uyab nga si Del Rosario dihang wa kini moadto sa iyang pag-imbitar sa hikay-hikay sa ilang balay .
Tantong lalis nadapatan gyud ni Secretaria ang uyab nga si Del Rosario .
Apan nakakuha ug sundang ang suspek ug iyang gitigbas ang uyab nga lolo .
Ang manghud sa suspek nga si Nestor Garing niapil usab ug bunal ni Secretaria dihang nakit-an nga gidapatan ang iyang maguwang .
Nisurender hinoon ang magsoon ngadto sa kapolisan .
Apan bisan ug natigbasan wa na mopasaka ug kaso ang biktima nga lolo , tungod sa kadaku sa iyang gugma ngadto sa suspek.
