Davao City – Gikumpirma ni Land Transportation Office (LTO) XI, Law Enforcement Division Head, Yuri Lim nga adunay usa sa 84 nga gi-drug test nga bus driver ang nagpositibo sa paggamit og iligal nga droga atol sa gilusad nga Oplan Harabas niadtong Martes, October 28, 2025, sa Tagum Overland Transportation Integrated Terminal (TOTIT), Magugpo West, Tagum City.
Dugang ni Lim nga sa karon, natunulan na og show cause order ang maong driver ug naka bisita na sa opisina sa LTO alang sa briefing sa legal section diin gihatagan lamang kini og 5 ka adlaw aron makahatag og explanasyon kon nganong nagpositibo kini sa droga.
Gipailawom na sab sa confirmatory test ang maong driver ug kon mag-positibo sab kini matud pa ni Lim nga subay sa RA 10586, o Anti-Drunk and Drugged Driving Act of 2013 nga ma-revoko ang lisensya niini ug dili na-allowed mag drive sa bisan unsang public ug private utility vehicle.
Gawas sa LTO-XI, kaalayon niini ang Philippine Drug Enforcement Agency (PDEA) XI ug Franchising and Regulatory Board (LTFRB) XI sa pagseguro nga luwas ang matag-byahe karong undas.
RadyoMaN Kareen Beltran
Facebook Comments
